Ит-мысығын ветеринарға жиі апаратындар Астана мен Таразда тұрады
АСТАНА. ҚазАқпарат - Биылғы қаңтар-қыркүйекте Қазақстанда ветеринариялық қызмет саласында көрсетілген қызметтер көлемі 33 млрд теңгені құрады. Бұл өткен жылдың сәйкес кезеңімен салыстырғанда 4,4%-ға артық, деп хабарлайды ҚазАқпарат.
Ұлттық статбюро мәліметінше, бұл қызмет түрі ауылдық жерлерде 13 млрд теңгеге көрсетілген.
Өңірлік бөліністе қызметтердің ең көп көлемі елордада көрсетілген. Астанада осы жылдың 9 айында 3,9 млрд теңгеге қызмет көрсетілді.
Сондай-ақ, айтарлықтай көлем Жамбыл (2,7 млрд теңге), Түркістан (2,4 млрд теңге) және Ақмола облыстарында (2,3 млрд теңге) тіркелді.
Ветеринария саласындағы қызмет көлемі ең төмен өңір Ұлытау облысы - 362 млн теңге.
