Итальяндық азамат алиментті пиццамен төлейтін болды

АСТАНА. ҚазАқпарат - Италия соты бұрынғы ер адамға бұрынғы әйеліне алиментті ақшамен емес, айына 300 еуроның пиццасымен өтеуге рұқсат берді.

Ерлі-зайыптылар баланың әкесі ай сайын 300 еуро төлеуі тиіс деп келіседі. Алайда итальяндықтың мұндай ақшасы болмайды. Сондықтан ол алиментті өзінің жұмысында пісіретін пиццамен өтеуді ұсынады. Әйелге оның ұсынысы ұнамағандықтан, қайта сотқа жүгінеді. Бірақ бұрынғы күйеуінің жалақысы аз болғандықтан сот оның пайдасына шешім қабылдайды. Бұдан былай итальяндық кәсіби аспаз әйелі мен баласына алиментті пиццамен төлейтін болды, деп жазады 24.kz.