Итальяндық велошабандоз Винченцо Нибали 2016 жылы «Астанадан» кетпек

АСТАНА. ҚазАқпарат - «Астананың» итальяндық велошабандозы Винченцо Нибали 2016 жылы «Джиро д'Италия» көпкүндігіне қатысады.

Нибали одан кейін «Тур де Франсты» өткізіп жіберіп, 2016 жылғы Олимпиадада бағын сынауды көздеп отыр. Маусым біткеннен соң және келісімшарт мерзімі аяқталғаннан кейін оның «Астанадан» кетпек ойы бар. Нибалидің сөзіне қарағанда, үздік итальяндық спортшылармен бірге бір командада шеберлік көрсетуді армандайды.

Қазіргі маусымның соңында ол Фабио Ару және Микель Ландамен бірге «Вуэльте» жарысына қатысады, деп хабарлайды sports.ru.