Италия Сенатының делегациясы мінген ұшақ Мәскеудегі Внуково әуежайына қайта қонуға мәжбүр болды

МӘСКЕУ. Мамырдың 30-ы. ҚазАқпарат - Мәскеуден Римге қайтып бара жатқан Италия Сенатының делегациясы мінген Airbus A-319 ұшағы бүгін Внуково әуежайына апатты жағдайда қонды,

деп хабарлайды ҚазАқпарат РБК агенттігіне сілтеме жасап. Сенат төрағасы Ренато Скифани бастаған парламенттік делегация Ресей Федерациясына жасаған ресми сапардан кейін Италияға қайтып бара жатқан. Итальяндық Rai News 24 телеарнасының хабарлауынша, жерден көтерілгеннен бірнеше минуттан кейін техникалық ақау анықталып, ұшақ Внуково әуежайына қайта қонған. Әуе көлігінің федералды агенттігінен хабарлағанындай, оқиғаның мән-жайын тексерумен итальян тарапы айналысуда.