Іздеуде жүрген Ресей азаматы ұсталды - ІІМ
АСТАНА. Қаңтардың 27-сі. ҚазАқпарат /Арман Асқаров/ - Орал қаласындағы жалдамалы пәтердің бірінде іздеуде жүрген Ресей азаматы ұсталды. Ол Тольятти қаласында зейнет жасындағы адамды өлтірген.
Бұл туралы бүгінгі брифинг барысында ҚР ІІМ Тіл саясаты және ақпарат департаментінің бастығы Қуанышбек Жұманов мәлім етті, деп хабарлайды ҚазАқпарат.
Бүгінде қандықол қылмыскердің 80-ші жылдары қарақшылықпен айналысқаны анықталып отыр. 1997 жылдан бері оны Ресей Федерациясы Саратов облысының құқық қорғаушылары іздеу үстінде.
Ал Украинаның елордасы - Киев қаласында Қостанай облысының 27 жастағы тұрғыны ұсталды. Ол 2005 жылдың тамыз айында Алматы облысының Жамбыл ауданында кісі өлтіргені үшін іздеу жарияланған. Минск конвенциясы бойынша оны Қазақстанға экстрадициялау мәселесі шешілуде.
