ИЖТМ мемлекеттік қызметтерді электрондық формат арқылы көрсетуді бастады

Бұл туралы аталмыш министрліктің ақпарат басқармасынан хабарлады.

Рұқсат құжаттары келесі:

- Қазақстан Республикасының Кепілдік міндеттемесі (түпкі пайдаланушы сертификаты);

- экспорттық бақылауға жататын өнімге тауарларды, технологияларды, жұмыстарды, қызметтерді, ақпаратты жатқызу туралы қорытынды беру ;

- өнімді Қазақстан Республикасының кеден аумағынан тыс жерде қайта өңдеуге рұқсат беру;

Қазіргі уақытта Өнеркәсіп комитеті өтініштерді қағаз және электронды түрде қабылдайды.

Азаматтар электронды түрде www.elicense.kz порталының «Рұқсаттар» бөліміне өтініштерін жіберуіне болады.

Мемлекеттік қызмет формасы:

- Қазақстан Республикасының кепілдік міндеттемесі (түпкі пайдаланушы сертификаты) және өнімді Қазақстан Республикасының кеден аумағынан тыс жерде қайта өңдеуге рұқсат беру - белгіленген үлгідегі бланк;

- экспорттық бақылауға жататын өнімге тауарларды, технологияларды, жұмыстарды, қызметтерді, ақпаратты жатқызу туралы қорытынды беру - электронды түрде құпия кодымен.

Барлық қажетті нормативті құқықтық актілерінің базасы Өнеркәсіп комитетінің www.comprom.kz сайтының «Мемлекеттік қызметтер» бөлімінде орналастырылған.

Мемлекеттік қызметтерді көрсету сапасын және қолжетімділігін қамтамасыз ету бұдан әрі жалғастырылатын болады.