Израиль әскері Сирия аумағын атқылады

АСТАНА. 10 қазан. ҚазАқпарат - Израиль әскері Сирия аумағын атқылады. Бұл әрекет даулы Голан аймағындағы 2 израильдік сарбаздың жаралануына жауап ретінде жасалған.

24 kz-тың хабарлауынша, бұған дейін Сирия жағынан атылған жарылғыш Израильдің әскери аумағына түскен болатын. Салдарынан 2 сарбаз жеңіл жарақат алған. Әскери қызметкерлер бұл Сирия әскері мен оппозиция мүшелері арасындағы шайқас кезінде орын алған кездейсоқ жағдай болуы мүмкін деп отыр.