Израильде ұры римдік катапульт тастарын қайтарды
АСТАНА. ҚазАқпарат - Израильде белгісіз біреу 20 жыл бұрын ұрланған римдік катапульттің екі тасын мұражайға қайтарды.
Қапқа салынған тастарды мұражай есігінің маңына қойып кеткен. Онда осы істеген ісіне өкінген ұрының хаты болған екен.
Хатта тастар біздің заманымыздың бірінші ғасырында рим әскері қоршауға алған Гамла көне еврей қаласындағы қазба жұмыстары кезінде ұрланғаны туралы жазылған.
Ұры бұл тастар оны «тек қиындықтарға душар» еткенін жазған.
