Израиль Газа секторының оңтүстігінен бір бригададан басқа құрлық күштерін шығарды

ИЕРУСАЛИМ. KAZINFORM – Израиль жексенбі күні оңтүстік Газадан бір бригададан басқа барлық құрлық әскерлерін шығарды, деп хабарлады Синьхуа.

Нахаль бригадасы Газаның орталығында қалды, секторды екіге бөліп, бейбіт тұрғындардың Газаның оңтүстігінен солтүстігіне оралуына жол бермей отыр.

Бұған қоса, Израильдің қорғаныс күштері (ЦАХАЛ) Газа секторының айналасында жаңа «қауіпсіздік аймақтары» құрылғаннан кейін қайта құрылды, деп хабарлайды Израиль мемлекеттік телеарнасы Kan TV news.

Израиль әскерлері енді барлау рейдтеріне назар аударады және қажет болған жағдайда Газаға қайту үшін күштерді жаңартуға дайындалады, деп хабарлады телеарна ЦАХАЛ көздеріне сілтеме жасап.

«Әскерді шығару «саяси қысыммен байланысты емес», - делінген мәлімдемеде.