Израиль мектептерінде араб тілі міндетті пән ретінде оқытылмақ
АСТАНА. ҚазАқпарат - Жақын арада барлық израильдік мектептерде араб тілі міндетті пән ретінде оқытылатын болады.
Бұл туралы сәрсенбі күні кешкілік кнессет депутаттары бекіткен заң жобасында жазылған.
Бастамаға 120 парламентшінің 25-і қолын қойды. Дауыс беру кезінде қарсы шыққандар болған жоқ, деп хабарлады Би-би-си.
Заң авторларының пікіріне қарағанда, бұл болашақта арабтар мен еврейлер арасында «мәдени көпір құруға» септеседі. Онымен қоса Израиль мемлекетінде араб тілі иврит тілімен бірге ресми болып саналады.
