Израиль Түркия делегациясымен Бакуде кездескені туралы мәлімдеме жасады

АСТАНА. KAZINFORM — Израиль тарапы осы маңызды келіссөздерді ұйымдастырғаны үшін Әзірбайжан президенті Ильхам Әлиевке алғыс білдірді, деп жазды Анадолы. 

Израиль ұлттық қауіпсіздік кеңесінің төрағасы Цахи Ханегби бастаған дипломатиялық және қауіпсіздік саласындағы делегация Әзербайжанда түрік делегациясымен кездесу өткізгенін растады.

Израиль премьер-министрінің кеңсесі жариялаған мәлімдемеге сәйкес, премьер-министр Биньямин Нетаньяхудың нұсқаулары бойынша Ханегби бастаған қорғаныс және дипломатия мәселелері жөніндегі делегация, оның құрамында Қорғаныс министрлігі мен қауіпсіздік қызметтерінің жоғары лауазымды өкілдері бар, түрік делегациясымен кездесу өткізді.

Израиль тарапы осы маңызды келіссөздерді ұйымдастырғаны үшін Әзербайжан президенті Ильхам Әлиевке алғыс білдірді.

Келіссөздер барысында тараптар өңірдегі өзара мүдделерді талқылаған. Кездесу нәтижесінде аймақтық тұрақтылық үшін диалогты жалғастыру туралы шешім қабылданды.

Түркия Ұлттық қорғаныс министрлігінің баспасөз хатшысы, қоғаммен байланыс жөніндегі кеңесшісі контр-адмирал Зеки Актүрк бұған дейін «Израиль Сирияның аумақтық тұтастығына зиян келтіру және елдің қауіпсіздігі мен тұрақтылығын бұзу мақсатында арандатушы шабуылдарын жалғастыруды тоқтатуы тиіс» деп мәлімдеген болатын.

Ол сондай-ақ «9 сәуір күні Әзербайжанда Түркия мен Израиль арасында Сирия қаламайтын оқиғалардың алдын алу үшін жанжалдарды болдырмау тетігін құру жөнінде алғашқы техникалық кездесу өткенін» хабарлады.

Бұған дейін хабарланғандай, БҰҰ Газадағы журналистерге Израиль тарапынан қасақана жасалған шабуылға алаңдаушылық білдірді.