Израильдің әрекеттері халықаралық құқыққа қайшы — Германия вице-канцлері
АСТАНА. KAZINFORM – Сенбіде Германияның вице-канцлері Роберт Хабек Израильді халықаралық құқықты бұзды деп айыптады.
Неміс саясаткері Израильдің Рафахтағы операциясына да қарсы болды.
«Олар мұны істемеуі керек. Израиль халықаралық құқықты сақтауы тиіс», - деді Р. Хабек Берлинде.
«Politico» газеті Р.Хабектің ескертулері бұрын Израильге Рафахқа шабуыл жасамауды ескерткен, бірақ мұндай тікелей айыптауды қаламаған Германияның жоғары лауазымды өкілдерінің риторикасының өзгеруін білдіреді деп жазды.
«Басқаша айтқанда, бұл шынымен де Израиль шекарадан өтті және ол мұны істемеуі керек», - деді Германияның вице-канцлері әрі экономика министрі Р. Хабек.
БҰҰ-ның халықаралық соты жұма күні Израильдің Газа секторындағы Рафахқа «Әскери шабуылын дереу тоқтатуы керек» деп шешті.
Израиль сенбіде бұл шешімді елемей, Рафахқа жойқын шабуыл жасады.
