Израильдің Сербиядағы елшілігін күзетіп тұрған полиция қызметкеріне шабуыл жасалды

Израильдің Сербиядағы елшілігін күзетіп тұрған полиция қызметкеріне шабуыл жасалды
Фото: Dado Đilas

АСТАНА. KAZINFORM – Белградтағы Израильдің Сербиядағы елшілігін күзетіп тұрған полиция қызметкері жараланды. Ішкі істер министрі Ивица Дачич мұны лаңкестік әрекет деп бағалады. Бұл туралы Euronews жазды.

«Арбалетпен шабуылдаған адам Белградтағы Израиль елшілігін күзетіп тұрған серб полицейін жаралады», - деп хабарлады Сербия Ішкі істер министрлігі.

Жауап ретінде полиция қызметкері шабуылдаушыны атып өлтірген. Ішкі істер министрі Ивица Дачич мәлімдемесінде оқ полиция қызметкерінің мойнына тигенін айтты. Оның айтуынша, офицер өзін-өзі қорғау үшін қару қолданған. Белградтың бас жедел жәрдем ауруханасына жеткізілген полицей ес-түссіз болған. Шабуыл жасаушының жеке басы әлі анықталып жатыр.

«Шабуылдың барлық мән-жайы мен ықтимал себептері зерттеліп жатыр», - деді Дачич.

Елшілік бүгін жабық, қызметкерлері жоқ.

Соңғы жаңалықтар
telegram