К.Мәсімов Грузияның вице-премьері Д.Кумсишвилимен кездесті

АСТАНА. ҚазАқпарат - Бүгін Үкімет Үйінде Қазақстанның Премьер-Министрі Кәрім Мәсімов Грузия Премьер-Министрінің орынбасары, экономика және тұрақты даму министрі Дмитрий Кумсишвилимен кездесу өткізді, деп хабарлайды primeminister.kz.

Әңгімелесу барысында тараптар сауда-экономикалық байланыстарды кеңейту және тереңдету, өзара тауар айналымы көлемін арттыру, екі елдің іскерлік топтарының арасындағы байланыстарды жандандыру перспективаларын талқылады.