Кабулде Үндістан елшілігінің жанында жарылыс болды
АСТАНА. Қазанның 8-і. ҚазАқпарат - Кабулде жергілікті уақыт бойынша сағат 08.38-де Үндістан Елшілігінің жанында үлкен жарылыс болды,
деп хабарлайды «РИА «Новости» агенттігі.
Жарылыстың қуатты болғаны соншалық, қаланың екінші шетіндегі ресейлік дипломатиялық өкілдіктегі үйлер де сілкінген. Полицияның мәліметтері бойынша, жанкешті-лаңкес мина қойылған көлікті жарған. Алдын ала мәліметтер бойынша, лаңкестіктің салдарынан 10-ға жуық адам қаза тапты, бірнеше ондаған адам жараланды. Көптеген дүкендер мен сауда орындары қираған.
Елдің Денсаулық сақтау министрлігінің мәліметтері бойынша, қазіргі уақытта жақын жердегі госпитальдарға қаза тапқан 7 адамның денесі және ондаған жаралы адам жеткізілген.
