Каирдің бір орамы ашық аспан астындағы мұражайға айналуы мүмкін
АСТАНА. 2 мамыр. ҚазАқпарат - Мысыр астанасы - Каир мегаполисіндегі әл-Жамалия орамы ашық аспан астындағы мұражайға айналуы мүмкін. Бұл жайында Umma-Inform агенттігі al-Ayam-ға сілтеме жасай отырып, хабар таратты.
Аталмыш қала орамының ислами ескерткіштермен аты шыққанын айта кету керек. muslim.kz сайтының жазуынша, Мысырдың көне жәдігерлер министрлігінің дерегі бойынша бұл жоба 8 млн долларға бағаланып отыр.
Министрлік өкілдерінің айтуынша, аталмыш қала орамы аспан астындағы ашық мұражайға айналуы үшін мешіттер, күмбездер, мұнаралар, субұрқақтар қалпына келтірілуі тиіс. Мұндай мұражай Каирдің әл-Муизз ли Дин Аллаһ көшесінде де 2009 жылы ЮНЕСКО-ның атсалысуымен ашылғанын айта кету керек.
Бұл жобаны Кувейт пен Мысыр және Экономикалық даму қоры қаржыландырады. Осы мақсатта 1,2 млн доллар мөлшерінде қаражат бөлді.
