Қала күнінде елордалық 35 жұп некелерiн қиды

АСТАНА. 6 шiлде. ҚазАқпарат - Бүгін, 6 шілде - Астананың 15 жылдығы датасында елордада 35 жұп ресми түрде некелерін қидырды.

Неке туралы куәлiктi салтанатты жағдайда тапсыру рәсiмi "Салтанат сарайында" өттi. Бұндай рәсiмдер елорданың туған күнiне орай жылда өткiзiлетiн дәстүрге айналды. Аталған шара Қала күнiнде осымен алтыншы рет өтуде. Жас жұбайлар арасында бүгiн интернационалдық некелер де болды. Мысалы, Маунэль Де Ля Россо Мексикадан келген. Назарбаев Университетiнде ұстаздық етедi. Өзiнiң жары Мадина Малаевамен ол университет қабырғасында танысқан.

Салтанатты шарадан кейiн жас жұбайлар тутұғырға қарай көтеріліп, көк аспанға ақ шарларды ұшырды. Осыдан кейiн "Думан" ойын-сауық кешенiнде концерттiк бағдарлама, түрлi ойындар өттi. Сонымен қатар той қонақтарына дастархан жайылып, мерекелік үлкен торт тарту етілді.