Қалалықтардың пәтерлерінің суықтығы бойынша шағымдарын Павлодар әкімінің өзі тексерді
ПАВЛОДАР. 14 желтоқсан. ҚазАқпарат - Павлодар әкімі Оразгелді Қайыргелдинов ПИК төрағаларының кеңесінде жылу желілерінің жылыту жүйелеріне ыстық суды беру параметрлерін төмендететінін естіп,
проблемалық көп қабатты үйлерге өзі барды, деп хабарлады оның баспасөз қызметінен.
Барлық шағымдар шындыққа сәйкес екені расталды. «Егер пәтерде бір батареядан басқаларының барлығы жылы болса, бұл жылу берушілердің емес, ішкіүйлік желілерді жылыту маусымына дайындамаған ПИК-тің өзінің кінәсі», - деп атап өтті қала әкімі.
Қазіргідей аязды күндері Павлодарда ондаған тұрғын үйде жылумен қамтамасыз ету проблемалары туындады. Мамандандырылған комиссиялар нақты мекен-жайлар бойынша пәтерлерде суық болу себептерін анықтап, мұқият тексерістер жүргізуде.
Қаладағы жылумен қамтамасыз ету тұрақты бақылауға алынды.
