Калифорнияда орман өрті салдарынан мыңдаған адам көшірілді
АСТАНА. Тамыздың 17-сі. ҚазАқпарат - Калифорния штатында өрт сөндірушілер орман өртімен арпалысуда, тілсіз жаудың салдарынан штатта мыңдаған адам көшірілді. Өрттің 11 ошақтан тарап отырғаны, ошақтардың бірі марихуана шегушілер бас қосқан лагерьден басталғаны анықталып отыр,
деп хабарлады жексенбі күні Би-би-си телерадиокорпорациясы.
Калифорния өкіметі штат аумағында төтенше жағдай режимін жариялап, бірнеше мыңдаған адамды көшірді.
Штат губернаторы Арнольд Шварценеггер тұрғындарды жедел көшу туралы биліктің өкімін орындауға шақырды және штат әкімшілігінің Калифорния тұрғындарын өрттен қорғау үшін қолдан келгеннің бәрін істейтінін мәлім етті.
Орман өртімен жүздеген өрт сөндірушілер бригадасы күресуде.
