Калифорнияда тікұшақ үйдің төбесіне құлады
АСТАНА. ҚазАқпарат - Сейсенбі күні АҚШ-тың Калифорния штатындағы Ньюпорт-Бич қаласында тікұшақ үйдің төбесіне құлады, деп хабарлайды ҚазАқпарат ТАСС агенттігіне сілтеме жасап.
Қалалық өрт сөндіру қызметі өкілдерінің хабарлауынша, апат шамамен жергілікті әуежайдан бір жарым километр қашықтықта болған.
Robinson-44 тікұшағының бортында үшқыш пен жолаушы болған. Олардың не болғаны туралы әзірге ешқандай ақпарат жоқ. Апат салдарынан зардап шеккендер мен мерт болғандар туралы да ешқандай мәлімет таратылмаған.
