Калининградта «Диснейленд» салынады
АСТАНА. 22 желтоқсан. ҚазАқпарат - Ресейдің Калининград облысында еуропалық деңгейдегі ойын-сауық саябағы пайда болады. Бұл туралы облыс губернаторы Николай Цуканов мәлім етті, деп хабарлады РБК.
«Диснейленд» жобасының алғашқы инвесторлары да пайда болды. 2013 жылы жобалау басталады, 3-4 жылдан соң саябақ алғашқы келушілерге есігін ашады.
«Калининградта мұндай саябақ салуға барлық жағдай жасалған - бұл Еуропаның жақындығы. Шекараны ашу уақыт еншісінде, бүгіннің өзінде біз Польша мен Литваға визасыз бара аламыз», - деді аймақ басшысы.
