Қалың қарға байланысты ШҚО аумағындағы жолдарда көлік қозғалысы шектелді
АСТАНА. 7 қараша. ҚазАқпарат - Бүгін Шығыс Қазақстан облысы аумағындағы республикалық маңызы бар жолдарда қоғамдық көліктер үшін қозғалыс шектелді.
Бұл туралы «Қазақавтожол» РМК баспасөз қызметі хабарлады
Атап айтқанда, қардың қалың түсуіне байланысты сағат 12:00-ден бастап «Өскемен-Риддер» автожолының 15-105 шақырымы аралығында автобустарға жолға шығуға тыйым салынып отыр. Бұдан бөлек, «Өскемен-Зырян-Қатонқарағай-Рахман бұлақтары» жолының 6-65 шақырымында да көлік қозғалысы шектелді.
