Канадада белгісіз біреу лотереядан 25 млн доллар ұтты
АСТАНА. ҚазАқпарат - Канаданың Нью-Брансуик провинциясында лотерея билеті 25 млн доллар ұтыспен сатылды. Бұл туралы кеше, 30 қарашада елде жыл сайын оншақты лотерея ұтыстарын өткізетін Atlantic Lottery қауымдастығының өкілі хабарлады.
Анығы, ең танымал ұлттық лотерея Lotto Max провинция астанасы - Фредериктон қаласында сатылған. «Ұтыс нөмірі 3, 4, 7, 12, 17, 26 және 34», -деп нақтылады қауымдастықтан. Бірақ бақытты жанның кім екендігі туралы әзірге хабар жоқ.
Бір қызығы, Нью-Брансуик «ең сәттілікке толы» провинция болып саналады. Өйткені Atlantic Lottery қауымдастығы ойындарының ұтыстары көбінесе осы қаланың тұрғындарына бұйырады.
Тек ағымдағы жылғы мамыр айында ғана Канаданың осы аймағында жас әйел мен ерлі-зайыптылар 7 және 10 млн доллар ұтып алған.
