Канадада қыстың жылы болуына байланысты әлемдегі ең ірі мұз айдыны жабылды
ОТТАВА. ҚазАқпарат – Канаданың Оттава қаласында Rideau Canal Skateway танымал мұз айдыны биыл алғаш рет мұз жетіспегендіктен жабылады. Бұл туралы жұма Ұлттық елорда комиссиясысы (National Capital Commission, NCC) мәлім етті, деп хабарлайды ҚазАқпарат Reuters-ке сілтеме жасап.
Rideau Canal Skateway - әлемдегі ең ірі табиғи мұз айдыны. Оның ұзындығы 7,8 км (4,9 мили). Ол 50 жыл бұрын ашылып, ЮНЕСКО әлемдік мұралар тізіміне енген.
Мұз айдыны жұмыс істеуі үшін мұздың қалыңдығы кемінде 12 дюйм (30 см) болуы шарт. Ол үшін 10-14 күн қатарынан ауа температурасы минус 20-дан минус 10 градусқа дейін өзгеруі керек.
Weather Network мәліметінше, Оттавада қаңтардағы орташа ауа температурасы Цельсий бойынша минус 5,9 градус (Фаренгейт бойынша 21,4 градус) болған.
Қазіргі қыс Оттавадағы соңғы он жылдағы ең жылы қыс болып отыр, деп хабарлайды CBS News.
Өткен қыста мұз айдыны қаңтардың ортасында ашылды. Қысқы сырғанау мерзімі наурыздың басына дейін жалғасты.
Ең қысқа сырғанау мерзімі 18 күн болған. Ол 2016 жылы тіркелді.
«Біз келушілерді келесі қыста әлемдегі ең үлкен мұз айдынында асыға күтеміз», - деді ұлттық комиссия.
