Канадада жүк пойызы темір жолдан шығып кетті
АСТАНА. ҚазАқпарат - Канадада Онтарио провинциясы Смит-Фолс қаласы маңында бос келе жатқан жүк пойызы рельстен шығып кетті, деп хабарлады «РИА Новости».
«СВС» телеарнасының хабарлауынша, апат жұма кешке, жергілікті уақытпен 17-15-те орын алған.
Оқиға орнында құтқарушылар жұмыс істеуде. Қаза тапқандар мен зардап шеккендер туралы ақпарат жоқ. Аталған бағыттағы темір жолда жол қозғалысы шектелді. Апатқа ұшыраған пойызға иелік ететін компания темір жолдағы өзге де пойыздардағы жолаушыларға жағдай жасауды қолға алды.
