Қанат Ислам Базилио Сильваны нокаутқа жіберді
АСТАНА. 19 желтоқсан. ҚазАқпарат - Орта салмақта өнер көрсететін қазақ боксшысы Қанат Ислам тәжірибелі доминикандық Базилио Сильвадан техникалық нокаутпен басым түсті. Рейтингілік кездесу Доминикан Республикасында өткен болатын, деп хабарлайды Sports.kz.
Жекпе-жек қазақстандықтың айқын басымдығына байланысты алтыншы кезеңде төрешілердің шешімімен тоқтатылды.
Қанат Сильваны төртінші раундта-ақ есеңгіреткен еді, алайда тәжірибелі қарсылас есін жиып, кездесуді жалғастыра алды.
Осылайша, 29 жастағы Қанат Ислам кәсіпқой рингте 16 кездесу өткізіп, 16 мәрте жеңіс тойын тойлады. Соның ішінде ол 14 жекпе-жегінде қарсыласын нокаутқа жіберген.
