Қанат Ислам кезекті қарсыласын ұтты
АСТАНА. 28 сәуір. ҚазАқпарат - Қазақ боксшысы Қанат Ислам кәсіпқой рингтегі он екінші жеңісіне қол жеткізді. Бұл туралы «Аламан» ұлттық спорт порталынан хабарлады.
Эквадордың Кито қаласында өткен кеште Қанат ринг иесі Эдуард Фролесті жеңді. Негізі, біздің боксшы колумбиялық Эмелио Хулио Хулиомен кездеседі деп жоспарлаған. Бірақ Колумбия боксшысы белгісіз себептермен кездесуден бас тартқан.
Бұған дейін Қанат Ислам сәуірдің 19-ы күні Доминикан республикасының боксшысы Жозе Видал Сотоны ұтқан болатын.
