Қанат Ислам: Мен үлкен айқасқа дайынмын
АСТАНА. ҚазАқпарат - Бірінші орта салмақта WBO Inter-Continental және WBA Fedelatin титулының иегері Қанат Ислам бокс кешінің баспасөз мәслихатына қатысты, кеш аясында ол бразилиялық Робсон Ассиспен жекпе-жекке шығады, деп хабарлады Sports.kz.
«Бүгін барлығын, нағыз чемпионды көргенім үшін қуаныштымын. Мен - WBA рейтингінде төртіншімін, WBO-да бесінші орындамын, Олимпиада ойындарының қола жүлдегерімін. Мен үлкен айқасқа дайынмын, жатпай-тұрмай жаттығып жатырмын. Менімен отбасым, командам - менеджер, бапкер, промоутерім бірге. Бұл жекпе-жектің өтетініне өте қатты қуаныштымын. Үлкен айқасқа дайынмын. Ертең кешке кездескенше», - деді Ислам баспасөз мәслихатында.
Ислам - Ассис жекпе-жегі 18 ақпанда сағат 07:55-те өтеді.
