Қанат Ислам WBO рейтингінде бір саты жоғарылады

АСТАНА. ҚазАқпарат - Бірінші орта салмақтағы қазақстандық кәсіпқой боксшы Қанат Ислам (25-0,20КО) Бүкіләлемдік бокс ұйымының (WBO) ақпан айының жаңартылған рейтингінде бір сатыға жоғарлап, 2-орынға жайғасты, деп хабарлайды ҚазАқпарат.

Жаңартылған рейтингте Қанат британдық Лиам Смиттан (26-1-1, 14КО) кейінгі екінші орынға қайта оралды. Үздік үштікті аустралиялық Деннис Хоган (26-1-1, 7КО) түйіндеді.

Айта кетейік, Қанат Ислам WBO рейтингіне енген бірден-бір қазақстандық боксшы. Ол бұған дейінгі жекпе-жектерінде WBO Inter-Continental және WBO NABO титулын жеңіп алған болатын.