Қанат Исламның қарсыласы жекпе-жектен кейін ауруханаға жеткізілді
АСТАНА. ҚазАқпарат - Boxingnews24.com хабарлағандай, қазақстандық боксшы Қанат Исламның қарсыласы колумбиялық Хуан Де Анхель рингте кездесуде жарақат алды, деп хабарлады Sports.kz.
«Алтыншы раундта Ислам де Анхельдің нокдаунымен аяқталған сәтті соққы жасады. Бұған дейін бірнеше секунд бұрын колумбиялық боксшы аяғын қайырып алған. Қанат ұзаққа созбай, жекпе-жекті аяқтауды шешті. Де Анхель айқастан кейін жіліншігі зақымданып, ауруханаға жеткізілді», - деп жазды басылым.
Бұл Исламның кәсіби рингтегі 21-ші жеңісі, ол бірде-бір рет жеңілмеген.
