Қанша қазақстандық коронавирусқа қарсы толық егілген

НҰР-СҰЛТАН. ҚазАқпарат – 16 шілдеге дейін Қазақстанда коронавирус инфекциясына қарсы вакцинаның 1-ші компонентін 9 538 630 адам, 2-ші компонентін 9 321 029 адам салдырды. ҚазАқпарат бұл туралы COVID-19 таралуына жол бермеу жөніндегі ведомствоаралық комиссия мәліметіне сілтеме жасап хабарлайды.

Сондай-ақ елімізде жасөспірімдерді, жүкті әйелдерді және бала емізетін аналарды «Pfizer» вакцинасымен егу жалғасып жатыр. 16 шілдеге дейін препараттың I дозасын 1 229 694 адам, ІІ дозасын 1 168 291 адам салдырды. Оның ішінде: І компонентімен 868 628 жасөспірім, 41 264 жүкті әйел, 145 051 бала емізетін әйел вакциналанды. ІІ компонентін 846 059 жасөспірім, 38 757 жүкті әйел, 139 340 бала емізетін әйел салдырды.