Қант қан қысымына кері әсер етеді - ғалымдар

АСТАНА. ҚазАқпарат - Көптеген мамандар жүрегінде ақауы бар немесе қан қысымы жоғары адамдарға тұзды аз пайдалануға кеңес береді. Ал тұзды аз пайдалану қан қысымына айтарлықтай әсер етпейтін көрінеді. 3-6 грамм тұздың денсаулыққа еш зияны жоқ. Ал 3 грамнан кем пайдалану зиян болуы мүмкін.

Ғалымдар қазіргі кезде адамдар көп пайдаланатын жартылай фабрикаттарда тұз мөлшері де, қант мөлшері де көп болып келетінін айтады. Ал қант тұзға қарағанда қан қысымына кері әсерін тигізеді. Сондықтан да қан қысымы жоғары адамдарға тұзды емес қантты аз мөлшерде пайдаланған дұрыс.

Фруктозасы көп диеталар қандағы май мен инсулин мөлшерін жоғарылатады, сондай-ақ метаболикалық синдром дамуының қаупін жеделдетеді, деп жазады шетелдік БАҚ.