Қаңтар айында бензин 9,6 пайызға, дизель жанар майы 9,1 пайызға арзандады
АСТАНА. Ақпанның 2-сі. ҚазАқпарат - 2009 жылғы қаңтар айында Қазақстан Республикасында инфляция деңгейі 0,3 пайызды құрады,
деп хабарлайды ҚазАқпарат ҚР Статистика агенттігіне сілтеме жасап. Өткен айда бағаның өсімі сүт өнімдерінде - 1,2 пайыз, жемістер мен көкөністер - 1,9, спирттік ішімдіктер - 3, темекі өнімдеріне 4,2 пайыз артқаны белгіленді. Ал күнбағыс майы - 12,7, ұн ? 1,7, күріш ? 0,5, нан ? 0,4, жармалар ? 0,2, жұмыртқа 0,1 пайызға арзандады. Жуу және тазалау тауарларының бағасы - 1,9, жеке гигиена тауарлары - 1,1, медициналық препараттар 0,9 пайызға қымбаттады. Бензиннің құны - 9,6, дизель жанар майы - 9,1 және сұйық газ 3,5 пайызға төмендеді. Коммуналдық қызметтер тарифтері бойынша қоқысты жинау - 4,2 пайызға, кәріз ? 1,2, орталықтан жылыту ? 1, ауыз су 0,7 пайызға қымбаттады, ал электр жарығы керісінше 1,2 пайызға, тарату жүйелері бойынша тасымалданатын газ 0,4 пайызға арзандады. Пошта қызметінің бағасы - 46,9 пайызға, телефон үшін абонеттік төлем 14 пайызға артты.
