19:23, 19 Наурыз 2024 | GMT +6
Қаңтар кезінде тұтқындарды азаптаған үш полицей 3 жылға сотталды
АЛМАТЫ. KAZINFORM — Бүгін, 19 наурызда Алматы қаласы Алмалы аудандық сотында Қаңтар оқиғасы кезінде азаптау фактісі бойынша үш полиция қызметкеріне үкім шықты. Олар Қылмыстық кодекстің 146-бабы бойынша айыпталған.
Қылмыстық істі Алматы қаласының арнайы прокурорлары тергеді.
Прокурорлар 2022 жылғы 9 қаңтарда Алмалы аудандық полиция басқармасына жеткізілген 3 азаматты кінәлі полицейлер азаптағанын дәлелдеді.
Заңсыз әрекет салдарынан үш жәбірленуші жапа шеккен.
Сот үкімімен үш сотталушы арнаулы атағы мен мемлекеттік қызметте жұмыс істеу құқығынан айырылды.
Олар 3 жыл мерзімге бас бостандығынан айырылып, сот залында қамауға алынды.
Үкім заңды күшіне енген жоқ.