Қаңтар-маусымда ЖІӨ өткен жылмен салыстырғанда 105,6 пайызды құрады
АСТАНА. 2 қазан. ҚазАқпарат - 2012 жылғы қаңтар-маусымда еліміздің жалпы ішкі өнімнің нақты көлем индексі өткен жылмен салыстырғанда 105,6 пайызды құрады. Бұл туралы Статистика агенттігінен хабарланды.
Атап айтқанда, агенттік мәліметтеріне қарағанда, ЖІӨ құрылымында тауарлар өндірісінің үлесі 40,7 пайыз, қызметтер - 52,2 пайызды құрайды. Сонымен қатар, есепті кезеңде ЖІӨ құрылымында өнеркәсіп үлесі 33,1 пайызды, құрылыс саласы 5,4 пайызды құраған.
