Қаңтар-сәуірде республикада 1 жасқа дейінгі 1553 нәресте шетінеді - Статистика
АСТАНА. 14 маусым. ҚазАқпарат - 2013 жылғы қаңтар-сәуірде республикада 1 жасқа дейінгі 1553 нәрестенің шетінеуі тіркелді. Бұл туралы бүгін брифинг барысында ҚР Статистика агенттігінің төрағасы Әлихан Смайылов мәлім етті.
Оның атап өтуінше, 2012 жылдың сәйкес кезеңімен салыстырғанда 1 жасқа дейінгі шетінеген нәрестелер саны 13,8 пайызға кеміді. Нәресте өлімінің негізгі себебі перинаталдық кезеңде пайда болатын жағдайлар болып табылады. Одан 868 (997) нәресте өлген немесе нәрестелер арасындағы өлім жағдайының жалпы санының 55,9 пайызын (55,4%) тең.
Туа біткен ауытқулардан өлгендер саны 266 (385) немесе 17,1 пайыз (21,4%), тыныс органдары ауруларынан - 125 (145) немесе 8 пайыз (8,1%) және жазатайым жағдайдан, улану мен жарақаттан - 85 (69) сәби немесе 5,5 пайыз (3,8%).
