Қаңтарда қазақстандықтардың қолында 1,8 трлн теңге айналымда болды
АСТАНА. ҚазАқпарат - Қазақстанда 2018 жылдың қаңтар айында қолма-қол ақша айналымы 2017 жылдың желтоқсанымен салыстырғанда 6,6 процентке азайып, 1,817 трлн теңгені құрады, деп хабарлайды ҚазАқпарат тілшісі ҚР Ұлттық банкіне сілтеме жасап.
Қолма-қол ақша мен ликвидті теңге депозиттерін қамтитын М1 ақша агрегаты өткен айда 0,6 процентке дейін артып, 4,995 трлн теңгеге жеткен.
Қолма-қол ақшаларды, теңге және ликвидті валюта депозиттерінің барлығын қамтитын М2 индикаторы 1,3%, яғни 13,338 трлн теңгеге дейін азайған.
Ақша массасы немесе экономикадағы бүкіл ақша мөлшері 2,7%, 18,939 трлн теңгеге дейін азайды.
Ақша базасы немесе ҚР Ұлттық банкінің ақшаларының мөлшері қаңтарда 6%, яғни 5,208 трлн теңгеге дейін төмендеді.
Екінші деңгейлі банктер мен басқа ұйымдардың ҚР Ұлттық банкіндегі депозиттерінің көлемі 5,4%, яғни 3,103 трлн теңгеге дейін қысқарды.
