Қаңтардың 1-інен бастап Қазақстанда алғаш рет қамау түріндегі жаза енгізіледі

 АСТАНА.  Желтоқсанның 21-і.  ҚазАқпарат /Ғалымжан    Хасенов/ - Ағымдағы жылы желтоқсан  айының басында  қол қойылған  «Қазақстан Республикасының  кейбір  заңнамалық актілеріне     қылмыстық жазалауды  орындау  жүйесін және  қылмыстық-атқару жүйесін    одан  әрі жетілдіру   мәселелері  жөніндегі  өзгертулер  мен толықтырулар енгізу  туралы»  ҚР Заңына сәйкес  2010   жылы  қаңтардың 1-інен бастап  Қазақстанда алғаш рет  қамау  түрінде  жаза  енгізіледі.

 Бұл туралы Әділет министрлігі Қылмыстық-атқару жүйесі комитетінің баспасөз қызметінен  хабарлады.

Комитет төрағасы Мейрам Аюбаевтың,   Бас прокуратура мен  Ішкі істер министрлігі өкілдерінің   және  комитеттің  облыстық аппараттары  басшыларының   қатысуымен  өткен     кеңейтілген республикалық  селекторлық кеңесте    осы  тақырыпқа     баса  назар  аударылды.

Аталмыш   заң жалпы қылмыстық 199 құрам   және  20 әскери   қылмыс  бойынша санкцияларға   қамау түріндегі  жаза енгізуді  қарастырады.   Естеріңізге  сала кетейік, ҚР Қылмыстық кодексінің 46-шы бабының    негізінде,    қамау    түріндегі  жаза   сот тағайындаған    жазаның барлық мерзіміне  (1 айдан 6 айға дейін) қоғамнан   қатаң оқшаулау  жағдайында осы  жаза түріне  сотталған   тұлғаға  қолданылады.  Жазалаудың бұл  түні   пенитенциарлық жүйенің      тергеу абақтыларында жүзеге асырылатын   болады. Дегенмен,  олар     қамауда  отырған      басқа санаттағы тұлғалардан  бөлек  ұсталады.   Атап айтқанда,  ерлер мен  әйелдер бөлек  отырғызылады, сондай-ақ    түзету  орындарында   бұрын болған  тұлғалар    бөлек ұсталады.

 Кеңесте атап  көрсетілгендей,  тергеу  абақтыларында    қамау  түріндегі   жазалауды  орындау  үшін   жеке  учаскелер   әзірленіп,  ол   жайларда  жөндеу  және  қайта жаңарту  жұмыстары жүргізілді,  басқа да ұйымдастырушылық мәселелер    шешілді, сондай-ақ   Қамау  түріндегі   жазалауды   орындаудың  ережесі   жасалды.

 Бұл заң сотталған адамдарды қоғамнан оқшаулауға байланысты емес, қылмыстық құ­қықтық ықпал ету шараларының тиім­ділігін күшейту, сондай-ақ қыл­­мыстық атқару жүйесі ме­ке­мелері қызметкерлерінің құқық­тық және әлеуметтік қорғалуын арт­тыру мақсатында әзірленген.