Канвон-2024: Конькишілеріміз қысқа қашықтықты бағындыра алмады
АСТАНА. KAZINFORM – Бүгін Оңтүстік Кореяның Канвон қаласында өтіп жатқан IV қысқы жасөспірімдер Олимпиадасында конькимен жүгіру жарысынан екі қазақстандық спортшы қатысты.
500 метр қашықтықта сынға түскен Руслан Жанәділов — 38.26 секунд уақыт көрсеткішімен мәре сызығын 14-ші болып кесіп өтсе, тағы бір отандасымыз Михаил Матрюхин — 39.56 секунд көрсеткішімен 18-ші орынға табан тіреді.
Жарыс нәтижелері:
500 метр. 31 қатысушы
1-орын (германия) Финн Соннекалб— 36.61 секунд
2-орын (Норвегия) Мика Клевстуен — 36.79 секунд
3-орын (Оңтүстік Корея) Сеонанг Шин — 37.13 секунд
14 орын (Қазақстан) Руслан Жанәділов — 38.26 секунд
18 орын (Қазақстан) Михаил Матрюхин — 39.56 секунд
Кезекті жүлде жиынтығы ертең 1 500 метрде сарапқа салынатын болады.
Естеріңізге сала кетейік, кеше Олимпиаданың екінші күні шорт-тректен 1000 метр қашықтықта сынға түскен спортшыларымыз арасынан Полина Омельчук мәре сызығын үшінші болып кесіп өтіп, Қазақстан қоржынына қола медаль салды.
