Қар аралас жаңбыр: Қазавтожол жүргізушілерге ескерту жасады
АСТАНА. KAZINFORM - Бүгін Ақмола, Абай, Павлодар, Қарағанды, Шығыс Қазақстан және Солтүстік Қазақстан облыстарында жаңбыр аралас қар жауып, кей жерлерде қар жаууы ықтимал, деп хабарлайды Қазавтожол.
Осыған байланысты республикалық автожолдардың жекелеген бөліктерінде жолдың көрінуі қиындап, жол беті тайғақ болуы мүмкін.
-Жүргізушілерге ауа райын ескеріп, қауіпсіз арақашықтықты сақтауды, жол жағдайына қарай жылдамдықты таңдауды және оқыс маневр жасамауды ұсынамыз,-делінген хабарламада.
Айта кетейік, осыған дейін Қазгидромет бірқатар өңір бойынша күн райына байланысты ескерту жариялады.
