Қар аралас жаңбыр. «ҚазАвтоЖол» жүргізушілерге ескерту жасады

АСТАНА. KAZINFORM – «ҚазАвтоЖол» ҰҚ» АҚ республикалық автожолдардағы ауа райы туралы мәлімет таратты.

2024 жылғы 4 қарашада Абай, Атырау, Алматы, Жамбыл, Қарағанды және Қызылорда облыстарының кей жерінде жаңбыр жауады.

Ал Ақмола, Солтүстік және Батыс Қазақстан облыстарының кей жерінде қар аралас жаңбыр жауады.

Сол себепті жүргізушілерге қауіпсіздік ережелерін қатаң сақтап, жолдардағы ауа райының қолайсыздығын ескерулеріңізді сұраймыз. 1403 байланыс орталығына хабарласып, тәулік бойы қосымша ақпарат алуға болады, - делінген компания таратқан хабарламада.

Бұған дейін «ҚазАвтоЖол» басшысы көктайғақта себетін инертті материал былтырғыдан 3 есе көп дайындалғанын айтқан болатын.