Қар көшкіні қаупіне байланысты Алматы тауларына шығуға тыйым салынды
НҰР-СҰЛТАН. ҚазАқпарат - Синоптиктер Алматы тауларында қар көшкіні қаупі сақталып отырғанын мәлім етті, деп хабарлайды ҚазАқпарат Қазгидрометке сілтеме жасап.
Жылымықтын әсерінен, қар жамылғысының тұрақсыз болуына және жауын-шашынның күтілуіне байланысты Үлкен Алматы (2500 метр биіктікте) және Кіші Алматы (2300 метр биіктікте) су алаптарында 20-22 сәуір аралығында қар көшкіні қаупі сақталады.
Қар көшкініне ұрындырмау үшін тау бөктерлеріне шығуға тыйым салынады.
"Тауға шыққан жағдайда абай болыңыздар" деп ескертеді мамандар.
