Қар көшкініне байланысты Шығыс Қазақстанда екі жол жабылды

ӨСКЕМЕН. KAZINFORM –Шығыс Қазақстан облысында қар көшкіні жүру қаупіне байланысты екі жол жабылды.

ШҚО төтенше жағдайлар департаменті баспасөз қызметінің мәліметіне сүйенсек, өңірдегі екі тасжолды қар көшкіні жауып қалу қаупі туындады.

«Республикалық маңызы бар «Өскемен-Алтай-Үлкен Нарын-Катонқарағай-Рахман қайнары» тасжолының 6-166 шақырымында (Ушанов кенті мен Алтай қаласына дейінгі аралықта) және «Өскемен-Тарғын-Самар» тасжолының 88-145 шақырымында (Жоғары Тайынты мен Самар ауылының аралығы) көліктің барлық түрі үшін қозғалысқа тыйым салынды. Өңір жұртшылығына алыс сапарға шығар алдында жолдардың жай-күйін «Дәрмен» мобильді қосымшасы арқылы тексеріп отыруға кеңес береміз», - делінген ақпаратта.