Қарағанды облысында 8 наурызға орай 21 мыңнан астам әйел біржолғы төлем алады

Қалалар мен аудандарда қосымша қаржылай қолдау мөлшері әртүрлі болды. Ол әр аймақтың бюджеттік мүмкіндігіне байланысты екенін айта кетейік. 

Атап айтқанда, Қарағанды, Теміртау, Приозерск, Осакаров және Шет аудандарында мерекеге орай төрт және одан да көп баласы бар көпбалалы аналарға және «Алтын алқа» және «Күміс алқа» алқаларымен марапатталған көпбалалы аналарға ақша аударылады.

Балқашта көпбалалы аналар, Құрметті азаматтар, тыл еңбеккерлері, Бірінші дүниежүзілік соғыс ардагерлеріне теңестірілген адамдар, еңбек ардагерлері, белсенді емес тыл еңбеккерлері, мүгедек балалар, белсенді емес жалғыз тұратын әйелдер, қайтыс болған соғыс ардагерлерінің әйелдеріне төлем аударады. 

Саранда төрт және одан да көп баласы бар көпбалалы аналарға, «Алтын алқа» және «Күміс алқа» алқаларымен марапатталған көпбалалы аналарға, мүгедек балаларға, аз қамтылған отбасыларға беріледі.

Абай ауданында ХӘОТ, аз қамтылған, көпбалалы отбасыларға, мүгедектерге, зейнеткерлерге, түрлі саладағы қызметкерлерге бөлінеді.

Ақтоғай ауданында төрт және одан да көп баласы бар көпбалалы аналарға, «Алтын алқа» және «Күміс алқа» алқаларымен марапатталған көпбалалы аналарға, аз қамтылғандарға, мүгедектерге, зейнеткерлерге (әйелдерге) беріледі.

Бұқар жырау ауданында аз қамтылған, көпбалалы отбасылардан шыққан әйелдер, мүгедектер, зейнеткерлер және ХӘОТ қаржылай қолдау көрсетіледі.

Қарқаралы ауданында 18 жасқа дейінгі төрт және одан да көп баласы бар көпбалалы аналарға, «Алтын алқа», «Күміс алқа» алқаларымен марапатталған көпбалалы аналарға, аз қамтылған, мүгедектерге беріледі.

Нұра ауданында аз қамтылған, көпбалалы аналар, жастар бір жолғы төлем алады.

Кейбір қалалар мен аудандарда мерекелік түскі ас, азық-түлік жиынтықтарын тарату жоспарлануда. Белгілі бір аудандардағы қайырымдылық ұйымдары жеке секторда тұратын аз қамтылған отбасыларға барады. Оларға отын, шөп, көмір және т. б. жеткізіледі.