Қарағандыда 30 килограмнан астам есірткі тәркіленді
ҚАРАҒАНДЫ. KAZINFORM – Облыс прокуратурасының үйлестіруімен, Ұлттық қауіпсіздік комитетінің Қарағанды облысы бойынша департаменті аса ірі мөлшерде есірткі заттарының заңсыз айналымы фактісі бойынша қылмыстық істі тергеп-тексеру аясында қала тұрғындарын ұстады. Бұл туралы Қарағанды облыстық прокуратурасының баспасөз қызметі мәлім етті.
«Күдікті тұлғалардың тұрғылықты мекенжайларын тінту барысында салмағы 30 килограмнан астам есірткі заттары табылды. Қылмыстық іс бойынша тиісті сараптамалар тағайындалып, тергеу әрекеттері жүргізіліп жатыр», — деп хабаралыд прокуратурадан.
Тергеу барысы Қарағанды облысы прокуратурасының бақылауында.
Еске сала кетейік, бұған дейін Шымкентте «Пайызсыз баспана» қаржылық пирамидасын ұйымдастырғандар 6 жылға сотталғанын жазған болатынбыз.
Астанада заңсыз салынып жатқан 37 көпқабатты тұрғын үй анықталды.
