Қарағандыда 80 үй төмендетілген жылу беру режиміне ауыстырылды
Қарағандыда құбырдағы ақау салдарынан жылумен жабдықтаудың төмендетілген режиміне 80 үй мен 53 нысан ауыстырылды, деп хабарлайды Кazinform.
«Жауынгер-Интернационалистер көшесі бойынша диаметрі 500 мм жылу берілетін құбыржолдағы ақауды жою үшін Жауынгер-Интернационалистер, Ержанов, Ботаническая, Ермеков көшелері мен Бұқар жырау даңғылының тұтынушылары жылумен жабдықтаудың төмендетілген режиміне ауыстырылады. Ақауды қалпына келтіру жұмыстары бүгін кешке дейін аяқталады», - деп хабарлады «Теплотранзит Қарағанды» ЖШС.
Жөндеу жұмыстары аяқталғаннан кейін температура мен гидравликалық режим қалыпқа келтіріледі.
