Қарағанды әкімдігі павильонның құлау себептерін анықтауда

ҚАРАҒАНДЫ. ҚазАқпарат -  Қарағанды жолаушылар көлігі бөлімі адамдар тұрған автобус аялдамасындағы металл павильонның құлау  фактісі бойынша талқылауды бастады, абырой болғанда, қалалықтар жарақат алмады, деп хабарлады «ҚазАқпарат» ХАА тілшісі.

«Әкімдіктің «Жолаушылар көлігі секторы» ММ басшысы Ескендір Қабидолла  қондырғының қауіпсіздігіне жауапты кінәлі тұлға жазаланатынын айтты.

 «Факті бойынша ішкі талқылау жүріп жатыр. Бұдан бұрын аялдама күшті желде де құламаған. Бұдан павильонның бекітілгенін болжауға болады. Соңғы шешім барлық мән-жайларды анықтағаннан кейін белгілі болады», - деді ММ басшысы Ескендір Қабидолла.

Сектор басшысының айтуынша, жел мемлекетке елеулі материалдық шығын келтірмеген. Қалпына келтіру жұмыстары қаланы ұстауға, абаттандыруға көзделген арнайы қаражат есебінен жүргізіледі. Ағаштар жиналып, қалпына келтіру жұмыстары жүргізілуде.

Еске салсақ, синоптиктер болжаған күшті жел салдарынан Қарағандыда ОӘД аялдамасындағы автобус павильоны  құлады.  Ол мерекелік декорацияларды сындырып, ағаштарды құлатты.