Қарағанды-Мәскеу рейсі бір тәулікке кешікті
ҚАРАҒАНДЫ.ҚазАқпарат - Қарағандыда «Сарыарқа» әуежайынан Қарағанды-Мәскеу рейсі бойынша ұшақ бір тәулік бойы бөгелді, деп хабарлады «ҚазАқпарат» ХАА тілшісі.
«Сарыарқа» әуежайының өндірістік-диспетчерлік пунктінде «Аэрофлот» компаниясының ұшағы 14 ақпанда сағат таңертеңгі 6.05-те ұшуы тиіс болған. Алайда қозғалтқышында ақау шығып, бөгелуге тура келді. Жүздеген жолаушы тәулік бойы күту залында отырды.
«Қозғалтқышынан ақау шыққан. Оны Мәскеуден мамандар келіп жөндеді. Қазір бортқа жолаушыларды отырғызу аяқталды», - деп хабарлады «Сарыарқа» әуежайының өндірістік-диспетчерлік пунктінен.
Әуежайда күту залында жолаушыларға барлық жағдай жасалғаны атап өтілді.
