Қарағанды облысында 163 сыныптың оқушылары карантинде
ҚАРАҒАНДЫ. ҚазАқпарат – Мектептер офлайн-режим ауысқалы оқушылар арасында коронавирус жұқтыру жайттары қаншалықты артқанын және қанша сынып карантинге жабылғаны туралы брифинг барысында Қарағанды облысының санитарлық-эпидемиологиялық бақылау департаментінің басшысы Юрий Залыгин мәлім етті, деп хабарлайды ҚазАқпарат тілшісі.
Оқушылардың дәстүрлі оқу форматына көшуіне байланысты Қарағанды облысында балалар мен жасөспірімдер арасында COVID-19 шалдығу артқаны байқалды. Аймақ бойынша індетті жұқтыру жағдайларының 20% астамы – 18 жасқа дейінгі балалар.
Облыстың бас санитарлық дәрігерінің айтуынша, жаңа оқу жылы басталғалы мектеп оқушылары арасында вирус жұқтырғандардың үлесі 0,9% құрады.
«Бір инкубациялық кезеңде сыныптардың 30% астамында вирус жұқтыру тіркелгенін ескере отырып, 13 мектепте 1-ші ауысым карантинге жіберілді.
Бірақ қазір барлық ауысымдар штаттық оқыту форматына оралды. 5 қарашадағы жағдай бойынша, облыста 163 сынып карантинде қалып отыр.
Қабылданған эпидемияға қарсы және алдын алу шаралары білім беру ұйымдарында эпидемиологиялық процесті тұрақтандыруды қамтамасыз етті. Сонымен қатар, егер 21-27 қазан аралығында оқушылар арасында орташа тәуліктік аурушаңдық тәулігіне 20 адамды құраса, соңғы аптада тек 16 жаңа жағдай тіркелді», - деді Юрий Залыгин.
Айта кетейік, бір оқушыда коронавирус анықталған жағдайда бүкіл сынып үй карантиніне жіберіледі. Ал дәл сол ұжымда жаңа жағдайлар анықталса, оқшаулау кезеңі ұзартылады.
