Қарағанды облысында аң аулау маусымы басталды
ҚАРАҒАНДЫ. ҚазАқпарат - Қарағанды облысында күзгі-қысқы аң аулау маусымы басталды. Ол 30 қарашаға дейін облыстың солтүстік аймағында және 15 желтоқсанға дейін – оңтүстікте жалғасады, деп хабарлайды ҚазАқпарат тілшісі.
Аң аулауға шығу үшін қарағандылықтар барлық рұқсат беретін келесідей құжаттарды алуы қажет: аңшы куәлігі, атыс қаруын сақтауға және пайдалануға рұқсат, аңшылық шаруашылығы субъектісімен келісімшарт және аңшы құстар мен аңшы иттердің төлқұжаты (егер олар аң аулауға тартылатын болса).
Пандемияға қарамастан, аң аулауға жолдама алу шарттары өзгеріссіз қалды.
«Аңшылық қоғамдастығы бізде консервативті болғандықтан, біз жолдама алу механизмін өзгеріссіз қалдыруды шештік. Тек қана бетперде болуы керек. Беру пункттерінде барлық санитарлық талаптар да сақталады. Өңірде барлығы 15 мыңға жуық аңшы бар, бірақ олар жолдамаларға үлкен кезек жасамайды. Мысалы, біреудің көшеде өз кезегін күтіп отырғанына шағым жасаған немесе дүрлікпе туындаған жағдайлар болған жоқ», - дейді Қарағанды облыстық орман шаруашылығы және жануарлар дүниесі аумақтық инспекциясының жануарлар дүниесі және аңшылық шаруашылығы бөлімінің басшысы Евгений Протас.
Инспекция қызметкерлері жануарлар әлеміне ұқыпты қарау және аң аулаудың белгіленген ережелерін сақтау қажеттігін ескертеді.
Жолдаманы алуға болатын мекенжайлардың толық тізімін мына сілтеме бойынша табуға болады.
